“Your Song” e Ritës, kënga e ditës në Shazam

Kënga e re e Rita Orës, “Your Song” është duke u pëlqyer në masë të madhe në ditët e para të publikimit. Këngëtarja shqiptare me famë botërore lançoi një këngë të re pas rreth dy vitesh. Dhe që në ditën e parë të lançimit, “Your Song” është shpallur kënga e ditës në Shazam. “‘Your Song’ e Rita Orës është padyshim kënga jonë e ditës! Dëgjojeni këngën e saj të re në Apple Music…”, shkruan në një postim në faqen e shërbimit Shazam. Dhe diçka e tillë, padyshim që e ka gëzuar këngëtaren shqiptare, e cila e ka publikuar postimin në profilet e saj në rrjetet sociale. “Your Song” i paraprin albumit të ri të Ritës Orës.