Zbulohen FOTOT… Ja kush është vajza dhe bashkëshorti i Romana Vlahutin

Këto ditë që politika gumëzhin për çështjen  Tahiri,  seç  ka  një  tërheqje  të  faktorit ndërkombëtar.

Asnjë nga trupi diplomatik i akredituar  në  vendin  tonë  nuk  po  thotë  asgjë. Ambasadori Lu dhe ambasadorja Vlahutin, të cilët nuk kanë ngurruar të flasin edhe me  emra  konkretë,  nuk  kanë  thënë  asgjë.

Ndërkohë,  zonja  Vlahutin  ka  bërë  një  gjë shumë më të mirë këto ditë, sesa të përfshihej  në  rrëmujën  tonë  politike.  Sipas  fotove që na sjell  paparaci,  ajo  ka  shpenzuar disa  orë  me  familjen  e  saj  në  një  qendër komerciale. Kjo  është  mbase  hera  e  parë  që  ne shohim ambasadoren  me  një  veshje  sportive.

Gjithashtu, kjo është hera e parë që ne njohim  vajzën  dhe bashkëshortin  e  saj. Për  vetë  natyrën  problematike,  me  të cilën  shoqërohen ngjarjet  në  Shqipëri,  të huajt që ngarkohen me punë këtu, na bëhen shumë  shpejt  si  persona  me  të  cilët  jetojmë prej  kohësh  dhe ndajmë  përditshmërinë.

Ata shpesh duken si zgjatime të institucioneve  tona,  por shpesh edhe  si  imponuese  të vullnetit  të  Perëndimit.  Prandaj  dhe  janë shumë  të  rëndësishëm për ne dhe i  shohim si  një  dritë  shprese sa herë  hapin  gojën.