Zbulohen konkurrentët e “Dance With Me”: Linda Rei mbetet pa partner

“Dance With Me” do të rinisë në sezonin e ri televiziv në “TV Klan”. Burime për Anabel.al zbuluan 5 e ½-tat çiftet që do të konkurrojnë në edicionin e 3-të të këtij spektakli kërcimi. Gjithçka është thuajse gati por, një prej konkurrentëve, Linda Rei, deri më tani nuk ka partner.

Tre ish-konkurrentë të “Big Brother” do të konkurrojnë tani në “Dance With Me”. Çifti Xheni-Benardi u njoh në BB, Benardi i propozoi Xhenit përpara disa ditësh dhe tani, konkurrojnë në disiplinën e kërcimit si të fejuar.

Gjithashtu, konkurrente do të jetë ish-banorja e “Big Brother 8”, Xhensila Pere, që do të konkurrojë në krah të modelit apo reperit muskuloz Trim Jetullahu. Aktorja e “Top Channel”, Ana Lika, dhe moderatori i IN Tv, Albi Isakaj, do të konkurrojnë bashkë.

Moderatorja Fiori Dardha do të jetë çift në kërcim me violinçelistin Iljard Shaba, ndërsa këngëtarja Rovena Stefa do të konkurrojë me moderatorin e “Klan Kosova”, Meriton Mjekiqi.

Një tjetër konkurrente e këtij edicioni do të jetë Linda Rei, artistja e makeup-it që kohëve të fundit, është bërë objekt i mediave për fejesën me një biznesmen shqiptar me banim në Zvicër.

Linda, që tek “Zonë e Lirë” ka folur hapur për ndryshimin e gjinisë, duket të ketë mbetur pa partner. Në listën e çifteve konkurrente të “Dance With Me” emri i saj FIguron vetëm, diçka që nuk ka ndodhur më parë në këtë spektakël, ku konkurrimi bëhet në çift dhe secili duhet të ketë partnerin e vet.

Kujtojmë se vjet, në listën e konkurrentëve ishte Einxhel Shkira, por pasi u mësua se ajo s’do të ishte pjesë e spektaklit, producentët e shpjeguan duke thënë se nuk kishin mundur t’i gjenin partner.

Ndaj duket e pashpjegueshme përse Linda Rei nuk ka akoma një partner e megjithatë, duket të jetë e konFIrmuar si konkurrente. Kjo mbetet për t’u parë; nëse Lindës nuk i gjendet një partner me llimin e spektaklit, do të linte dyshime nëse është thjesht për arsye diskriminimi karshi saj.