Zbulohet shkaku i vdekjes së Tina Turner

Tina Turner ka vdekur nga shkaqe natyrale në shtëpinë e saj në Zvicër, është konfirmuar nga gazeta Daily Mail.

Këngëtarja legjendare u nda nga jeta në moshën 83-vjeçare në Küsnach afër Cyrihut pas një sëmundjeje të gjatë dhe të paspecifikuar. Ajo kishte luftuar më parë me kancerin e zorrëve dhe vuante nga presioni i lartë i gjakut për më shumë se katër dekada.

Përfaqësuesit e saj konfirmuan për DailyMail se Mbretëresha e Rock ‘n’ Roll-it vdiq nga shkaqe natyrale. Ata njoftuan lajmin e hidhur për vdekjen e saj më 24 maj, duke thënë: “Me të bota humbet një legjendë dhe model të muzikës”.