”Zonja e parë” e Britanisë, Akshata Murthy vjen nga familje miliardere. Nëna e saj është e para femër që…

Pasi Liz Truss dha dorëheqjen nga posti i kryeministrit ku qëndroi 45 ditë, Rishi Sunak është zgjedhur kryeministër në Mbretërinë e Bashkuar. Gruaja e tij e pasur, Akshata Murthy, është vajza e themeluesit miliarder të kompanisë teknologjike “Infosys”, Narayana Murthy. Ndërsa nëna e saj Sudha Murthy (Sudha Murthy), është inxhinierja e parë femër që ka punuar për prodhuesin më të madh të automobilave në Indi.

Sipas mediave të huaja, ajo njihet më së shumti për punën e saj sociale dhe kontributin në letërsi. Akshata lindi në prill 1980 dhe u takua me Rishi Sunak kur ata të dy studionin në Universitetin e Stanfordit. Ata u martuan në vitin 2009 në Bangalore dhe kanë dy vajza, Krishna dhe Anushka.

Akshata Murthy është drejtoreshë e kompanisë së investimeve Catamaran Ventures dhe në vitin 2010 ajo lancoi markën e saj të modës, ‘Akshata Designs’.

Sipas gazetës “The Scotsman”, vlera neto e vlerësuar e aseteve të saj arrin në lartësinë 500 milionë paund. Përveç pjesës së saj në biznesin e familjes, ajo është aksionere në 6 kompani të tjera.