15 mijë tifozë të Juves kërkojnë heqjen e yllit të Contes në stadiumin e bardhezinjve

Tifozët e Juventusit prej kohësh kanë nisur një fushatë kundër Antonio Contes, me bardhezinjtë që kërkojnë që ylli i trajnerit aktual të Interit në “Allianz Stadium” të hiqet.

Në stadiumin e “Zonjës së vjetër” janë të vendosur rreth 50 yje me personat që kanë kontribuar në historinë e Juventusit dhe një nga yjet mban emrin e Antonio Contes.

Përveç fshirjes së emrit të Contes, tifozët bardhezi kërkojnë që në vend të trajnerit të vendoset emri i Claudio Marchisios, i cili u tërhoq nga futbolli së fundmi. Që nga nisja e kësaj fushate janë mbledhur mbi 15 mijë firma. Presidenti Agnelli ndërkohë është shprehur se asnjë nga yjet nuk do të hiqet.