5 futbollistë me koronavirus te Crvena Zvezda, infektime të shumta dhe te tifozët

Koronavirusi po përhapet me shpejtësi në Serbi në ditët e fundit. Crvena Zvezda, që u shpall kampion i Serbisë gjatë krizës së koronavirusit, ka 5 lojtarë pozitivë me Covid-19.

Në 10 qershor, derbi Partizan-Crvena Zvezda u luajt me tifozë. Mbi 25 000 tifozë sollën në stadium atmosferën e përhershme, me flakadanët që ndërprenë ndeshjen në minutën e 32-të.

Në Serbi, eventet sportive me tifozë u lejuan duke nisur nga 1 qershori, por me kushtin që tifozët të qëndronin 1 metër larg njëri-tjetrit. Në këtë derbi, rregulli i 1 metrit nuk u respektua. Të shumta kanë qenë rastet edhe te tifozët që kanë qenë të pranishëm në stadium, duke regjistruar dhjetëra raste të reja.