50 ndeshje dhe asnjë rezultat 0-0, rekord në Seria A në 5 javët e para

Futbolli italian po dhuron spektakël që në javët e para të sezonit. Pas pesë javëve të para, Serie A është e vetmja mes kampionateve kryesore europiane që nuk ka regjistruar asnjë ndeshje pa gola, duke vendosur një rekord në epokën e kampionatit me 20 skuadra.

Në 50 ndeshjet e zhvilluara deri tani, janë shënuar mesatarisht 2,90 gola për takim. Një statistikë që dëshmon për ndeshje të hapura dhe rivalitet të fortë, ku skuadrat kanë arritur të gjejnë rrugën drejt rrjetës.

Ky është një rekord për Serie A që nga sezoni 2004-2005, kur kampionati nisi të zhvillohej me 20 skuadra. Megjithatë, rekordi absolut historik mbetet ende i paarritur.

Për ta gjetur një precedent edhe më të veçantë, duhet të kthehemi në sezonin 1949-1950. Plot 77 vite më parë, barazimi i parë pa gola në kampionatin italian u regjistrua vetëm në javën e shtatë, në përballjen mes Milanit dhe Lazios.

Për të gjetur barazimin e fundit 0-0 në Serie A, duhet të kthehemi te sezoni i kaluar. Më 10 maj 2026, Fiorentina dhe Genoa u ndanë në barazim të bardhë në javën e 36-të të kampionatit.