6 ekipe në Seria A do të kenë 1 orë më shumë në merkaton e dimrit

Janë orë të “nxehta” në këto ditë të fundit të merkatos. Klube të ndryshme europiane janë shumë aktive për të mbyllur transferimet e fundit, për futbollist që mund të jenë vendimtar në pjesën e dytë të sezonit.

Afrimi i fundit i rëndësishëm është ai i Eriksen nga Tottenham tek Interi, por ka ekipe të tjera që janë në detajet e fundit për lëvizje të tjera. Por ka një risi: 6 skuadra në Seria A do të kenë një orë më shumë në dispozicion, për të depozituar kontratat, deri në orën 21:00 të datës 31 janar.

Klubet që do të përfitojnë nga ky përjashtim janë Roma, Sassuolo, Cagliari, Parma, Bologna dhe Brescia. Këto ekipe do të jenë të impenjuara në ndeshjet e tyre respektive të shtunën e shkurtit, ndaj dhe do të kenë 60 minuta më shumë ekstra, ndryshe nga ekipet e tjera.

Vendimi është marrë nga Këshilli Federal. Pritet të shohim nëse ndonjë nga këta ekipe do të bëjë ndonjë goditje të minutës së fundit, që do të futej në historinë e merkatos. /R.Lika-Koha Jone/