90 milionë euro për 5 vite, Raiola fikson kushtet për largimin e Haaland

Erling Braut Haaland nuk ka ndërmend të ndalet. Sulmuesi i Borussia Dortmund, po kalon një formë fantastike teksa ditën e djeshme do të shënonte dy gola në fitoren 4-0 ndaj Schalkes. Një ecuri që konfirmon forcën  dhe cilësinë e tij, dhe që shtojnë akoma më shumë zërat në lidhje me të ardhmen.

Sipas Daily Star, duke marrë parasysh klauzolën prej 75 milionë eurosh në kontratën e Haaland, por që do të jetë e vlefshme vetëm pas vitit 2022, sulmuesit mund të largohet më herët nga Dortmund.

Real Madrid, Manchester United, City dhe PSG po e ndjekin me interes të madh lojtarin. Pikërisht për këtë arsye që, sipas së përditshmes angleze, vetë Haaland ka bërë të qartë dëshirën e tij. Kontratë prej 5 vitesh për një total prej 90 milionë eurosh. Kjo është shifra e kërkuar nga norvegjezi dhe menaxheri i tij, Mino Raiola.

Skuadrat që e duan, përveçse të bindin Borussia Dortmund me një ofertë marramendëse, do të duhet të plotësojë edhe kërkesat ekonomike të lojtarit, rreth 350 mijë euro në javë.