Abramovich rishfaqet në bisedimet për paqe mes Rusisë dhe Ukrainës

Ish-presidenti i Chelsea-t, Roman Abramovich u rishfaq sot në publik pas raportimeve të “Wall Street Journal” se ishte helmuar.

Ai ndodhet në Stamboll të Turqisë, ku do të zhvillohen bisedimet për paqe mes Rusisë dhe Ukrainës.

Agjencia ruse “Tass” zbuloi se oligarku ka biseduar me presidentin turk Erdogan, para takimit mes përfaqësuesve të Rusisë dhe Ukrainës.

Ministri i Jashtëm ukrainas, Kuleba, urdhëroi negociatorët që të mos hanë e pinë asgjë si dhe të mos prekin asnjë sipërfaqe, pasi dyshimet për një kurth të mundshëm janë shumë të mëdha.