Agjenti befason: Dua të largoj Hysajn nga Napoli

Elseid Hysaj me shumë mundësi po luan në ndeshjet e fundit te Napoli, edhe pse situata e tij duket se ka ndryshuar pas ardhjes së Gattusos. Mungesat e shumta kanë bërë që lojtari shqiptar të ketë fat dhe të marrë minuta.

Klubi duket se do të rinovojë, por nuk e mendon kështu Mario Giuffredi.  Agjenti i mbrojtësit të djathtë thotë se dëshiron të largojë shkodranin nga ekipi i Napolit.

“Hysaj po luan mirë që pas ardhjes së Gattusos. Ai ka eksperiencë dhe nuk e humb kurrë logjikën, pavarësisht momenteve të vështira që kalon. Lojtarët e mi e kanë treguar gjithmonë veten në momente vështirësie.

Nuk dua që Hysaj dhe Di Lorenzo të qëndrojnë në të njëjtin vend. Qëllimi im është të largoj Hysajn nga skuadra e Napolit”, tha Giuffredi. I synon që të gjejë një destinacion të ri, për t’ia lehtësuar gjetjen e hapësirave edhe Di Lorenzos.