Agjenti i Dybalas mbërrin në Torino, nis negociatat me bardhezinjtë

Agjenti i Paulo Dybala-s, Jorge Antun, është parë së fundmi në Torino. Në kryeqendrën e Piemontes, për momentin, është edhe Fabio Paratici. Drejtori i Juventusit është në Continassa ku ekipi pritet pasdite në stërvitjen e zakonshme.

Antun ka qëndruar gjithmonë në Argjentinë dhe ardhja e tij në Torino, padyshim që është e lidhur me Joya.

Çështje familjare apo Për rinovimin? Sipas “TMW” bëhet fjalë për çështje familjare: Antun arriti në Torino përmes Madridit me nënën e lojtarit dhe jo për një takim me drejtuesit. Rinovimi do të jetë një çështje pas merkatos, të paktën jo që nga sot, 15 shtator, sipas axhendës bardhezi.