Akil Gjakova: Medalja olimpike një ëndërr, asnjëherë nuk isha aq pranë

Xhudisti nga Kosova, Akil Gjakova bëri paraqitje të mira në Lojërat Olimpike, teksa iu afrua shumë edhe fitimit të një medalje. Së fundmi ai ka bërë një postim në rrjetet sociale, ku flet për eksperiencën e tij në Paris.

“Fatkeqësisht me fatin e keq iku edhe shansi për ta fituar medaljen olimpike. Medalje kjo që kurrë më përpara nuk ka qenë më afër meje se tani, por fati sportiv ma mori nga dora. Megjithatë, nuk ma mori ëndrrën që unë një ditë do ta kem edhe këtë medalje, e cila është synimi im jetësor.

Një xhudist fillon në ora 5:00 për stërvitjen e mëngjesit. Për t’u kthyer në shtëpi dhe për ta mbyllur ushqimin e zgjedhur. Duke bërë gjumin me minuta dhe për t’u përgatitur për stërvitjen e radhës. Kështu me radhë.

Pa parashikuar asnjëherë kushtet, faktorët e jashtë dhe rrethanat e paparashikuara: lëndimet, sëmundjet, problemet e çështjet e tjera të cilat na rrethojnë gjatë jetës”, shkruan Akil Gjakova.