Trajneri i Chelsea, Xabi Alonso, ka pranuar se humbja 2-1 ndaj Arsenalit duhet t’i shërbejë skuadrës si një shtysë për të reaguar dhe për të përmirësuar paraqitjet në ndeshjet e ardhshme.
“Kjo dhemb. Duhet ta ndiejmë dhimbjen e humbjes. Ishte një ndeshje shumë e fortë dhe intensive, me momente të ndryshme. Patëm mundësi për të barazuar dhe dy raste edhe në pjesën e parë. Nuk mund të jem i lumtur kur humbasim”, deklaroi Alonso për Sky Sports.
Spanjolli analizoi edhe momentet vendimtare të takimit, duke pranuar se Chelsea mund të kishte mbrojtur më mirë në golin e dytë të Arsenalit.
“Pas golit tonë kaluam 15-20 minuta duke mbrojtur shumë dhe patëm vështirësi për ta kontrolluar ndeshjen. Më pas patëm momente më të mira me topin. Ishte një përballje shumë e ekuilibruar”, tha ai.
Alonso theksoi se skuadra duhet të vazhdojë punën, pasi projekti është ende në fillimet e tij. “Është vetëm ndeshja e tretë dhe kemi një rrugë shumë të gjatë përpara. Kjo humbje duhet të na dhembë”, u shpreh trajneri.
Ai shtoi se Chelsea synon të jetë më efektiv si në goditjet standarde, ashtu edhe në presing dhe organizimin defensiv. “Qëllimi kryesor është të fitojmë ndeshjet”, përfundoi Alonso.