Analiza interesante e Cafu: Neymar është më i mirë se Messi në këtë aspekt!

Cafu beson se bashkatdhetari i tij Neymar teknikisht është më i mirë edhe se Lionel Messi. Në një intervistë të dhënë për “Fox Sports” ish-mbrojtësi brazilian bën një analizë të të dy lojtarëve dhe jo vetëm.

“Teknikisht, Neymar është lojtari më i mirë në botë. Sot, teknikisht, askush nuk mund ta mposhtë atë. As Messi, edhe pse unë jam tifoz i tij. Argjentinasi nuk e tejkalon Neymar për sa i përket cilësisë teknike.

Sot nuk shoh ndonjë udhëheqës brenda kombëtares braziliane. Sot nuk shoh askënd që t’i thotë Neymar: Oh, mos e bëj këtë, ose bëje këtë. Nuk është ky lider aty! Ata i dhanë atij përgjegjësi, por të udhëhequrit nuk është profili i tij. Nuk është se ai nuk dëshiron, por sepse nuk është profili i tij.

Neymar është shpresa jonë më e madhe për të fituar një tjetër Kupë Bote. Me të në fushë, nëse ai dëshiron apo jo, tetë kundërshtarë do të qëndrojnë të angazhuar pas tij. Ai është një referencë, bën vend për të tjerët, shënon gola të jashtëzakonshëm, por, me të vërtetë, nuk mbulon. Pra, dikujt i mungon forca për t’u përshtatur rreth tij”, dkelaroi Cafu.