Arrestohet kampioni i boksit Usyk, ndërhyn presidenti Zelensky për ta liruar
Kampioni i botës në boks, ukrainasi Oleksandr Usyk (37), u arrestua në aeroportin e Krakovit, teksa video e arrestimit u bë virale në rrjetet sociale.
Sipas mediave, Usyk planifikoi të fluturonte për në Valencia (Spanjë) ku dëshiron të përgatitet për revanshin kundër Tyson Fury (36) në Riad më 21 dhjetor (Arabia Saudite).
Ukrainasi u ndalua në rrethana të paqarta dhe më pas u deklarua se ishte një keqkuptim. Presidenti ukrainas Volodymyr Zelensky ndërhyri menjëherë në këtë rast, pas së cilës Usyk u la i lirë.
“Kishte një keqkuptim. Gjithçka u zgjidh shpejt. Faleminderit të gjithëve që u kujdesën. Faleminderit diplomatëve ukrainas për mbështetjen e tyre efektive”, shkroi Usyk në Twitter.
🇵🇱🇺🇦 Ukrainian Boxer Oleksandr Usyk was detained at Krakow airport and taken into questioning.
Usyk’s wife commented on his detention on her Instagram page: ‘Everything is fine, all is well. Nothing criminal. Oleksandr will explain everything himself soon,’ she wrote pic.twitter.com/fP8oT690mh
— Voice of the innocent (@AliBukhari10043) September 17, 2024