Arsenali merr fitoren e tretë radhazi, i falet golit të Lacazette ndaj West Ham (VIDEO)

Arsenali nuk ka ndërmend të ndalet në Premier League, duke rrëmbyer fitoren e tretë radhazi. Viktima e radhës për “Topçinjtë” ishte West Ham (1-0).

Skuadra e Artetës do të vuante jo pak për të gjetur golin e fitores. Në minutën e 78-të, Aubameyang godet në hyrje të zonës, topi shkon te Ozil pas devijimit dhe më pas e pason te Lacazzete. Ishte një lojë fëmijësh për francezin që ta shtynte në fundin e rrjetës.

Fitorja e tretë radhazi për Arsenalin shton shpresat për një vend në zonën europiane, pasi kanë vetëm 5 pikë më pak se Chelsea i vendit të katërt. /R.Lika-Koha Jone/