Arsenali mund Chelsea-n dhe shkon në finalen e Carabao Cup

Arsenali pret biletën për në finalen e Kupës së Ligës në Angli, pasi regjistroi një fitore të rëndësishme 1-0 ndaj Chelsea-t në ndeshjen e kthimit gjysmëfinale, e zhvilluar në “Emirates Stadium”.

“Topçinjtë” vinin me avantazh nga përballja e parë në “Stamford Bridge”, ku kishin triumfuar 3-2, duke e mbyllur kështu çiftin me rezultatin e përgjithshëm 4-2 dhe duke siguruar kualifikimin.

Takimi u karakterizua nga ekuilibri dhe mungesa e rasteve të shumta, me të dy portierët që u dalluan në disa momente vendimtare për të mbajtur të paprekura portat e tyre. Ndeshja nuk mungoi as me polemika, pasi pati episode të diskutueshme në zonë, ku të dyja skuadrat kërkuan penallti, por arbitri vendosi të mos akordojë asnjë.

Goli i vetëm i takimit u shënua në sekondat e fundit, kur Kai Havertz realizoi në minutën e shtatë të shtesës (90+7), pas një pasimi të saktë nga Declan Rice, duke vulosur fitoren e Arsenalit dhe kualifikimin në finale.

Në aktin final, Arsenali do të përballet me fituesin e çiftit Manchester City-Newcastle, me ndeshjen e kthimit që luhet nesër dhe ku qytetarët kanë fituar 2-0 në duelin e parë.

Declan Rice did what Gabriel Martinelli and Leandro Trossard have failed to do over the years. Let’s talk about that Kai Havertz finishpic.twitter.com/LaNp1KFnjf

— Triple M (@Tripple____M) February 3, 2026