Asllani i keqardhur: Na vjen shumë keq për tifozët, ishte e vështirë

Mesfushori i Kombëtares kuqezi, Kristjan Asllani ka dhënë deklaratë pas ndeshjes me Italinë për mikrofonin e “TV Klan”.

“Kemi patur atë rastin e fundit dhe nuk e barazuam, e gjetëm golin në fillim me Bajramin por më pas u ulëm shuëm mbrapa dhe ne kemi vrapuar shumë, por ishim një skuadër që luajtëm deri në fundi, erdhi dhe rasti i Rei por Donaruma e priti.

Më vjen keq për tifozët se kanë bërë një gjë të bukur në stadium dhe jashtë tij. Ata janë të fortë, sulmuan fort, ishte e vështirë për mua dhe Ramadanin, po vraponim shumë, por ishim një grup dhe do të vazhdojmë kështu për ndeshjet e tjera. Mund të them që më vjen shumë keq për tifozët që sju dhamë një rezultat pozitiv, por futbolli kështu është, i falenderojmë me zemër dhe shpresojmë të bëjmë naj gjë më tepër këto dy ndeshje”, deklaroi Asllani.