Asllani në formacionin më të mirë në Seria A

Kristjan Asllani shkëlqen në fitoren me manita golash të Interit ndaj Hellas Verona. Mesfushori shqiptar shërbeu me asist në një prej golave në triumfin 5-0, duke fituar simpatinë e trajnerit, Simone Inzaghi, por edhe mediave italiane.

Përveçse asistimit dhe shumë pasimeve me vizion dhe me vertikalitet, Asllani mori dhe një super vlerësim. Mesfushori i Kombëtares për paraqitjen u vlerësua me notën 8, duke u përfshirë dhe në formacionin ideal të ndërtuar nga “WhoScored”.

22-vjeçari gjendet krah emrave më të rëndësishëm të futbollit italian, në një formacion që dominohet totalisht nga lojtarë të Interit. 22-vjeçari ka zhvilluar 8 ndeshje me Interin në të gjithë kompeticionet, ku edhe ka asistuar, pikërisht në fitoren ndaj Veronës.