Asnjë fitore në 6 ndeshje, ja statistikat e përballjeve ndaj Ukrainës

Shqipëria do të nisë nesër aventurën në Natons League ndaj Ukrainës, një kundërshtar me të cilin jemi përballur 6 herë.

4 sfida të vlefshme për kualifikueset e kupave të botës dhe dy takime miqësore. Shqipëria do të luaj në Pragë këtë të shtunë për të gjetur fitoren e parë ndaj ukrainasve, teksa regjistron plotë 5 humbje dhe vetëm një barazim 2-2, në vitin 2005, në fushatën kualifikuese për Botërorin e Gjermanisë 2006.

Sfida e fundit e zhvilluar mes dy kombëtareve, ka qenë miqësorja e 2018, ku Ukraina fitoi thellë ndaj kuqezinjve tanë me rezultatin 4-1.

13 gola kanë shënuar ukrainasit në portën tonë, ndërkohë kuqezinjtë ia kanë dalë të gjejnë rrugën e rrjetës vetëm 4 herë. Skuadra e Sylvinhos synon të thyejë këtë ecuri dhe të marrë suksesin e parë.