Barcelona dominuese dhe e pamëshirshme në Spanjë, ja statistikat e titullit

Barcelona fitoi titullin kampion në La Liga për sezonin 2024/2025, duke siguruar suksesin e 28-të në histori në mënyrë dominuese dhe dy javë para përfundimit të kampionatit. Fitorja 2-0 ndaj Espanyolit në derbin katalanas, me gola nga Yamal dhe Fermín López, vulosi zyrtarisht triumfin.

Skuadra e drejtuar nga trajneri Hansi Flick ka zhvilluar një sezon thuajse perfekt, duke shënuar 95 gola në 38 ndeshje, ndërkohë që deri më tani ka grumbulluar 90 pikë.

Lewandowski ka qenë lider i sulmit me 40 gola në të gjitha kompeticionet, por ka spikatur edhe Raphinha me 18 gola dhe 9 asiste. Ylli i momentit është Yamal, i cili në kampionat ka lënë gjurmë me 8 gola dhe 2 asiste.

Barcelona regjistroi një mesatare prej 2.5 golash për ndeshje, duke pasur sulmin më të mirë në kampionat.  Trajneri gjerman Hansi Flick solli stabilitet, organizim dhe qartësi taktike, duke bërë të mundur një rikthim të fuqishëm pas një sezoni pa trofe.

Me një përzierje mes përvojës dhe talenteve të reja, si Yamal, Pedri dhe López, Barcelona duket e gatshme për të vijuar dominimin në Spanjë dhe për të synuar dhe Championsin. /R.Lika-Koha Jonë/