Barcelona fiton me lehtësi duelin ndaj Elche

Në javën e 11-të të La Liga-s, skuadra e Barcelonës ka reaguar menjëherë pas humbjes në “El Clasico”, duke fituar 3-1 ndaj Elche-s dhe duke u rikthyer në garë për titull. Me këtë fitore, ekipi i Hansi Flick ngjitet në 25 pikë dhe afrohet në -5 nga Real Madridi, i cili triumfoi kundër Valencia-s.

Ndeshja nisi fuqishëm për katalanasit, që realizuan dy gola të shpejtë me Lamine Yamal në minutën e 8-të dhe Ferran Torres në të 11-ën. Rafa Mir ngushtoi diferencën për Elche-n në minutën e 41-të, por Marcus Rashford vulosi rezultatin përfundimtar në minutën e 60-të. Një tjetër lajm pozitiv për Barcelonën ishte rikthimi i Robert Lewandowskit pas dëmtimit.

Në takimet e tjera të javës, Celta Vigo dhe Alavés siguruan fitore të rëndësishme në luftën për pikë.