Barcelona kërkon sonte përmbysjen e çmendur ndaj PSG

Champions League vijon spektaklin sonte në mbrëmje. Barcelona do të luajë në transfertën ndaj PSG me misionin për të përmbysur humbjen 4-1 të ndeshjes së parë në “Camp Nou”. Ekipi katalanas ka arsye për të besuar te një mrekulli.

Ndërrimi i presidencës ku tashmë në krye të klubit është Joan Laporta, njeriu i tripletës në vitin 2009, i cili ka sjellë një tjetër frymë në skuadër si dhe përmbysja e paharrueshme 6-1 në Camp Noun në vitin 2017 nga Barça.

Francezët ndërkohë nuk do të kenë në dispozicion brazilianin Neymar. Në mbrëmje do të luhet edhe Leipzig-Liverpool, sërish në Budapest për shkak të pandemisë. Anglezët janë pranë kualifikimit në saj të fitores 2-0 në 90 minutat e para.