Bayern Munchen mendon për Klopp

Fitorja 2-1 në “Allianz Arena” i dha një fundjavë të qetë teknikut të Bayern Munchen, Carlo Ancelotti. Por sipas mediave britanike, tekniku italian nuk e ka shumë të sigurtë qëndrimin në stolin bavarez.

Pas humbjes me Rostov në Champions League dhe formës jo të mirë që po kalon Bayern, besimi i drejtuesve të skuadrës te Ancelotti është lëkundur së tepërmi.

Për këtë shkak, sipas mediave britanike, po mendohet afrimi i gjermanit të Liverpool, Jurgen Klopp. Ish-trajneri i Borussia Dortmund po bën një punë të mirë te Liverpool, me vetëm një pikë larg kryesuesve të Chelsea, por që ka një kontratë me “The Reds” që skadon në vitin 2022.

Por Bayern Munchen kërkon ti besojë rinovimin e skuadrës pikërisht teknikut gjerman.

Në Angli janë të bindur, edhe në Gjermani gjithashtu.