Bayerni i pandalshëm në Bundesligë, fiton me 5 gola ndaj St.Pauli

Bayern Munich vijon dominimin në Bundesligë me një tjetër fitore të thellë 5-0 ndaj St. Pauli në javën e 29-të, në sfidën e zhvilluar në Millerntor Stadium.

Bavarezët e nisën furishëm takimin, duke kaluar në avantazh që në minutën e 9-të me golin e Jamal Musiala. Dominimi i tyre vazhdoi edhe në pjesën e dytë, ku Leon Goretzka dyfishoi shifrat në minutën e 53-të, ndërsa vetëm një minutë më pas Michael Olise realizoi golin e tretë.

Skuadra e Mynihut nuk u ndal me kaq. Në minutën e 66-të, Nicolas Jackson shënoi golin e katërt, ndërsa Raphaël Guerreiro vulosi rezultatin përfundimtar 5-0 në minutën e 89-të.

Me këtë fitore bindëse, Bayern Munich ngjitet në kuotën e 76 pikëve në krye të renditjes, duke krijuar një diferencë prej 12 pikësh nga Borussia Dortmund.