Bayerni i prish planet e merkatos së Interit, merr vendimin për Perisic

Interi është një ndër skuadrat më aktive në merkato, por së fundmi ka marrë lajme aspak të mira për në verë. Bayerni nuk do të aktivizojë opsionin për blerjen e kartonit të Ivan Perisic, i cili po luan në formë huazimi gjatë këtij sezoni.

Për këtë gjë është e bindur edhe gazeta “Bild” që raporton se kroatit nuk i kanë mjaftuar 4 gola dhe 6 asist në 19 ndeshje, për të bindur drejtuesit bavarezë. Interi kërkon 20 milionë euro për blerjen e kartonit të plotë, por sipas sajtit gjerman me siguri që e ardhmja e Perisic me siguri nuk do të jetë në Bavari.

Nëse ky lajm do të konfirmohet, me siguri që planet e Interit do të ndryshojnë, teksa shpresonte që ta kishte mbyllur çështjen e largimit të Perisic për të synuar ndonjë goditje tjetër për Conten. /R.Lika-Koha Jone/