Berat Gjimshiti në formacionin më të mirë të UEFA-s

UEFA ka publikuar formacionin më të mirë të ndeshjeve të fundit kualifikuese, teksa pjesë e saj është edhe Berat Gjimshiti. Mbrojtësi e tregoi këtë jo vetëm në fitoren e mbrëmjes së të dielës ndaj Hungarisë, por edhe ndaj Polonisë, ku ishte një nga më të mirët.

Mbrëmjen e djeshme ishte një garanci e vërtetë në prapavijë, duke u vlerësuar me notën 7,9. Kjo paraqitje nuk ka mbetur pa rënë në sy edhe të UEFA-s, e cila e ka vendosur shqiptarin në 11-shen ku ka emra të njohur si Bale, Calhanoglu, Goretzka, apo Depay.