Berisha zgjidhet në formacionin e “La Gazzetta Dello Sport”

Sërish Etrit Berisha, sërish në një formë të shkëqyer në Itali , ndryshe nga dy performancat e fundit me Kombëtaren shqiptare.

Ai u thye nga një penallti, por Berisha ka marrë përsëri vlerësime maksimale në ndeshjen e kësaj jave në Serinë A, ku Atalanta e tij mposhti me shifrat 2-1 Romën, duke realizuar një përmbysje të çmendur.

Nëse pritja e portierit shqiptar ndaj Salah u vlerësua ndër 5 më të mirat e kësaj jave, e përditshmja italiane “La Gazzetta Dello Sport” shkon edhe më larg duke përzgjedhur pikërisht 27 vjeçarin nga Prishtina si portierin e formacionitME TE MIRE të javës së 11 të Serisë A.

Kjo është një tjeter arritje e Berishes, e cila nxjerr në pah edhe një herë cilësitë e Berishës, i cili më në fund ka gjetur te Atalanta klubin i cili kishte besim të plotë te ai dhe mendohet se do ta mbajë gjatë në Bergamo.

Bisedimet mes Atalantës dhe Lacios vazhdojnë dhe në janar pritet që të formalizohet transferimi i tij përfundimtar nën urdhrat e Gasperinit ku askush nuk do të rrezikojë fanellën e tij të titullarit.
Shkolla shqiptare e portes po tregon me te miren e saj, sepse pervec Berishes atje po prezantohet shume mire edhe talenti Tomas Strakosha