Besiktasi në krizë të rëndë financiare, presidenti jep dorëheqjen

Besiktasi pret sot në orën 18:45 Maccabi Tel Aviv në një ndeshje ku rezultati ka dalë në plan të dytë.

Klubi bardhezi ndodhet në mes të një krize të fortë financiare pasi në dy muajt e fundit stafi teknik dhe lojtarët nuk janë paguar. Për këtë motiv ditën e djeshme ka dhënë dorëheqjen presidenti i klubit Hasan Arat.

Sipas medieve turke klubi ka marrë një ultimatum nga UEFA, e cila kërcënon me heqjen e licencës në rast se pagat e prapambetura nuk do të shlyhen brenda 30 ditëve.

“Këto janë gjëra që ndodhin, po punojmë fort për të gjetur një zgjidhje. Të tilla probleme i ka kaluar secili klub”, tha presidenti i larguar, Arat.