“Bomba” e Guardiolës: Mund të më shkarkojnë nëse dështoj ndaj Realit!

Pep Guardiola është një trajner që i pëlqen t’i thotë gjërat hapur. Trajneri i Manchester City-it, duke folur për”Sky Sports” ka konfirmuar se ekziston mundësia që të largohet nga “qytetarët” në rast se do të dështojë ndaj Realit në Champions League.

“E di që është shumë e vështirë për të fituar Champions League. Ëndërroj që ta fitoj dhe shpresoj t’i shijoj ndeshjet kundër Real Madridit, pasi po përgatitemi për t’i mundur. E di se nëse nuk do të arrijmë t’i mundim, presidenti apo drejtori sportiv mund të vijnë dhe të më thonë se je i shkarkuar, do ta pranoja”, deklaroi Guardiola.

Për strategun spanjoll kanë dalë zëra për një transferim të mundshëm te Juventus në fund të këtij sezoni, për të zënë vendin e Sarrit, i cili po has vështirësi në përshtatjen me klubin torinez. /R.Lika-Koha Jone/