Bomberi shqiptar shkëlqen në Seria B, dy gola në duelin e parë (VIDEO)

Në ndeshjen e parë në Serie B italiane, Cristian Shpendi shkëlqeu duke realizuar dy gola. Sulmuesi shqiptar i dha fitoren 2-1 Cezena-s përballë Carrarezes, në duelin ndërmjet dy skuadrave që sapo janë ngjitur në kategorinë e dytë italiane.

Shpendi zhbllokoi rezultatin pas vetëm 8 minutave lojë, duke gjetur cepin e portës pas goditjes me të djathtën. 21-vjeçari kuqezi realizoi edhe golin e dytë 15 minuta më pas, nëpërmjet ekzekutimit të saktë nga pika e penalltisë.

Çezena mori menjëherë kreun e renditjes në Serie B, teksa sulmuesi i talentuar shqiptar konfirmoi se do të jetë protagonist edhe në këtë sezon.