Capello: Interi ishte dominues në mesfushë, fitorja vlen një pjesë të titullit

Ish-trajneri i Juventusit dhe Romës, Fabio Capello mendon se çështja e titullit është e zgjidhur në Seria A pas sfidës së djeshme të fituar nga Interi.

“Titulli nuk ka qenë kurrë në pikëpyetje dhe këtë herë pamë epërsinë e Interit në cilësi e personalitet. Kjo fitore vlen një pjesë të titullit.

Interi në mesfushë ishte dominues. Cilësia më e madhe e Calhanoglu dhe e mesfushorëve të tjerë bëri diferencën. Nëse Szczesny ishte më i miri në fushë për bardhezinjtë, kjo duhet gjithashtu të thotë diçka.

Në përgjithësi, lëvizja e topit të Juventusit ishte shumë e ngadaltë, pak topa luheshin vertikalisht. Tani jam i bindur se Juventusi do të luajë më qetë dhe nuk do të ketë asnjë problem për t’u kualifikuar në Champions League”, deklaroi Capello.