Gerry Cardinale është rikthyer në “Milanello”, vetëm një javë pas vizitës së tij të fundit, me fokusin kryesor te largimet nga Milani. Drejtuesit kuqezi synojnë të përshpejtojnë operacionet e merkatos dhe të lirojnë hapësirë në skuadër dhe në buxhet.
Në listën e lojtarëve që mund të largohen është Fikayo Tomori, për të cilin vazhdon interesimi i Aston Villës. Ndërkohë, për Youssouf Fofana dhe Christopher Nkunku priten oferta konkrete. Ky i fundit po shqyrton edhe mundësinë e një rikthimi te Leipzig.
Vëmendjen më të madhe e merr situata e Rafael Leaos. Milani kërkon 60 milionë euro për portugezin, por mund të negociojë deri në rreth 50 milionë euro. Oferta e vetme konkrete deri tani ka ardhur nga Galatasaray, me 40 milionë euro plus bonuse, por lojtari nuk është bindur nga destinacioni turk. Agjenti Jorge Mendes po shqyrton alternativa në Premier League dhe La Liga.
Edhe Santiago Gimenez mund të largohet, me Porton që pritet të rikthehet me një formulë huazimi për rreth 20 milionë euro. Ndërkohë, Samuele Ricci ndiqet nga Como. Milani, megjithatë, nuk pranon huazime pa pagesë me vetëm të drejtë blerjeje, duke kërkuar garanci për transferimin përfundimtar.