Cavani transferohet falas në verë te Atletico Madrid

Edinson Cavani nuk do të largohet nga PSG në merkaton e janarit. Edhe pse pak ditë më parë u fol për një akord mes sulmuesit dhe Atletico Madrid, një transferim i tillë mund të ndodhë por vetëm në korrik.

Drejtuesit e Atletico Madrid shpresonin që ta kishin Cavanin që në muajin janar, duke paguar PSG një shumë simbolike, por ka qenë vetë sulmuesi ai që ka kërkuar të respektojë kontratën që përfundon pikërisht në përfundim të këtij sezoni.

Edhe pse ka humbur vendin e titullarit pas transferimit të Mauro Icardit, Cavani sërish mbetet një idhull për tifozët dhe diçka e tillë duket se e ka shtyre atë të respektojë kontratën me kampionët e Francës.