Chelsea mund Brentford me një “perlë” të Chilwell, merr kreun (VIDEO)

Chelsea nuk ka ndërmend që ta lëshojë kreun e Premier League. Blutë e Londrës morn 3 pikët e radhës ndaj Brentford, edhe pse me vështirësi 1-0.

Skuadra e Tuchel do të vuante shumë për të gjetur golin e vetëm. Chilwell realizoi një super gol në fundin e pjesës së parë me një goditje të bukur me të majtën në trekëndëshin e portës.

Lukaku kishte shansin për të dyfishuar shifrat në pjesën e dytë, por me portën e boshatisur do ta dërgonte topin shumë larg kuadratit. Chelsea mbetet në krye të renditjes me 19 pikë, 1 më shumë se Liverpooli. /R.Lika-Koha Jone/