“Çmendet” princi i Arabisë Saudite! 480 milionë euro që Fury të ndeshet me Wilder ose Joshua!

“Gipsy King” mori pak ditë më parë gjerdanin e më të mirit të botë në duelin e zhvilluar në Las Vegas, ku mposhti në raundin e tretë Deontay Wilder.

Të pranishëm në “MGM Grand Arena” ishin dhe katër anëtarë të Familjes Mbretërore, përfshirë dhe princin Khaled me këtë të fundit që do të ishte i gatshëm të paguante shifrën e çmendur për të parë Furyn të ndeshet sërish, por kësaj radhe në Arabinë Saudite.

Princi Khaled ka biseduar me Eddie Hearn, promotorin e Anthony Joshuas, që organizoi sfidën kundër Andy Ruiz në Riad, sfidë për të cilën u ndërtua një arenë e posaçme në mes të dunave në vetëm 1 muaj e gjysmë dhe me një kapacitet prej 15 mijë spektatorësh.