Çmenduri për finalen e Kupën e Botës, 2.3 milionë euro shkon çmimi i një bilete

Biletat për finalen e Kupës së Botës 2026 kanë shënuar një rritje të paprecedentë në çmime, duke arritur shifra marramendëse në tregun e rishitjes. Sipas raportimeve, katër bileta janë listuar në platformën zyrtare të FIFA për rreth 2.3 milionë dollarë secila.

Finalja e madhe është planifikuar të zhvillohet më 19 korrik në MetLife Stadium, në New Jersey, ndërsa vendet luksoze me çmimet më të larta ndodhen pas portës, në sektorin e poshtëm të stadiumit.

Megjithëse FIFA nuk kontrollon drejtpërdrejt çmimet e rishitjes, ajo aplikon një komision prej 15% si për shitësin, ashtu edhe për blerësin. Kjo do të thotë se organizata mund të përfitojë rreth 690 mijë dollarë vetëm nga shitja e një bilete në këto nivele çmimesh, duke nxjerrë në pah fitimet e mëdha që gjeneron tregu sekondar.

Çmimet e larta nuk kufizohen vetëm te këto bileta VIP. Në platformë janë ofruar edhe vende të tjera me vlera të ndryshme: disa bileta arrijnë deri në 207 mijë dollarë, të tjera 138 mijë dollarë, ndërsa një pjesë shiten për rreth 23 mijë dollarë. Edhe biletat më të lira kapin shifrën prej 10,900 dollarësh, një nivel dukshëm më i lartë krahasuar me edicionet e mëparshme.

Rritja e ndjeshme e çmimeve lidhet me vendimin për të mos vendosur një tavan për rishitjen e biletave në edicionin e vitit 2026, me argumentin se kjo mund të kufizojë tregun e zi dhe aktivitetin në platformat e jashtme.

Ky zhvillim përfaqëson një ndryshim të qartë nga turnetë e mëparshëm, si Kupës së Botës 2022, ku çmimet ishin më të rregulluara dhe nën kontroll më të rreptë.