Como barazon ndaj Atalantës, Nico Paz humbet penallti në shtesë

Në kuadër të javës së 23-të të Serie A, ndeshja mes Como dhe Atalantës përfundoi 0-0, me emocione dhe raste të shumta, por pa gola. Për Bergamaskët, sfida mori një kthesë të vështirë që në minutën e 8-të, kur Ahanor reagoi keq ndaj provokimit të Perrone; gjyqtari Pairetto nxori kartonin e kuq për mbrojtësin e kaluar të Genoas.

Trajneri i Como-s, Palladino, hodhi në fushë Sulemana në vend të Scamacca për më shumë lëvizshmëri në sulm, ndërsa vendasit ushtruan presion të madh për të kaluar në avantazh. Pjesa e parë përfundoi pa gola, ndërsa në pjesën e dytë Como vazhdoi të kërkonte golin me Douvikas dhe kryesisht Ramon, por portieri Carnesecchi tregoi reflekse të shkëlqyera.

Në momentet e fundit, vendasit morën një penallti pas kontrollit me VAR për prekje me dorë të Scalvinit, por nga pika e bardhë, Nico Paz u ndal sërish nga portieri Carnesecchi në minutën e 98-të, duke ruajtur portën e pastër të Atalantës. Me këtë barazim, Como shkon në 41 pikë, me më shumë se një keqardhje për rastet e humbura, ndërsa Atalanta mbetet me 36 pikë.