Cristian Shpendi në super formë, golashënuesi më i mirë në Seria B

Cristian Shpendi është lojtari i momentit në Serie B. Sumuesi shqiptar i Cesenës ka realizuar 9 gola këtë sezon, duke qenë kështu në krye të listës së golashënuesve.

Në 13 ndeshjet e para të këtij edicioni, ai ka shënuar në mënyrë konstante, duke ndihmuar skuadrën në marrjen e rezultateve pozitive.

Paraqitjet e 21-vjeçarit, që “tundi rrjetën” së fundmi këtë të shtunë ndaj Reggianës, nuk kanë mbetur pa u vënë re.

Për Shpendin ka interesim të madh nga skuadra të Serie A, ku spikat Fiorentina, që ndjek me interes situatën e futbollistit.