David Alaba ka firmosur para kontratë me Realin

David Alaba-n me shumë mundësi do ta shohim në Spanjë sezonin e ardhshëm. Sipas prestigjiozes “Marca”, madrilenët kanë arritur akordin me futbollistin austriak të Bayernit, teksa raportohet se ai ka nënshkruar një para-kontratë.

Palët kanë gjetur gjuhën e përbashkët për një marrëveshje 3-vjeçare me vlerë rreth 12 milionë euro në vit. Transferimi i Alabas me parametër zero mund të konsiderohet një goditje e bujshme në merkato për Los Blancos, të cilët në verën e ardhshme do të tentojnë edhe afrime të tjera me peshë për të rritur cilësinë në skuadër.

Për futbollistin e kombëtares austriake interesohen edhe Chelsea e Manchester City, por Reali është treguar më konkret dhe është shumë pranë firmës me Alaban.