De Biasi: Rrahmani i fortë, Kumbulla ka një të ardhme të ndritur përpara

Gianni De Biasi ka dhënë një intervistë për “Radio Kiss Kiss” në lidhje me formën shumë të mirë të dy mbrojtësve të Veronës, Marash Kumbulla dhe Amir Rrahmani. Ish-trajneri i kombëtares sonë nuk i kurseu fjalët e mira për ta.

“Rrahmani është një futbollist që ka treguar se nuk vuan nga pesha e një kampionati si Seria A. Ka shumë personalitet dhe nuk ka vuajtur te Verona. Është një futbollist shumë i fortë, që ka një teknik të mirë, mund të bëjë një paraqitje të mirë te Napoli.

Kumbulla ka shumë personalitet, është shumë agresiv, shumë i matur dhe i zoti në lojën ajrore. Ka një të ardhme të ndritur përpara”, deklaroi De Biasi. /R.Lika-Koha Jone/