Dëmtim i rëndë për Armando Brojën, doli nga fusha me barelë dhe maskë oksigjeni

Fati duket se e ka braktisur Armando Brojën. Dëmtimet vijojnë të jenë makthi i tij më i madh duke mos e lënë prej vitesh të shpreh potencialin e tij.  Atëherë kur dukej se makthet kishin përfunduar, brenda pak ditësh, Broja pësoi dy dëmtime radhazi duke e bërë situatën me të vërtetë alarmante.

Më 4 janar, në takimin kundër Bournemouth, Broja zbriti në fushë si titullar, por në minutën e 32-të doli nga fusha i dëmtuar. Sulmuesi shqiptar i rikthye për sfidën kundër Peterborogh, e vlefshme për raundin e 1/32-ve në FA Cup.

Jo vetëm që ishte i disponueshëm, për Broja u hodh në fushë në minutën e 68-të. Në të 89-të, gjatë një zbritje të shpejt në krah, Broja u shtri në tokë duke mbajtur me dorë tendinën e këmbës, në të njëjtën vend që kishte dhe një shqetësim pak ditë më parë. Situata këtë herë dukej e rendë pasi sulmuesi kuqezi doli nga fusha mes lotësh, në barelë dhe me maskë oksigjeni.