Dëmtohet rëndë objektivi i Milanit në mbrojtje për janarin

Negociatat për transferimin e Mohamed Simakan nga Strasburgu te Milani, rrezikojnë të shtyhen për në verë, ose të ndërpriten fare. Sipas mediave franceze, mbrojtësi u dëmtua dhe la para kohe ndeshjen ndaj Lensit ditën e djeshme, ndërsa vizitat mjekësore konfirmuan se do t’i duhet një pushim dy mujor për të rikuperuar dhe për të qenë gati të luajë sërish.

Por me Gabbian e dëmtuar dhe Duarten e huazuar te Basaksehir, Milani ka nevojë urgjente për të afruar një mbrojtës që të mund të luajë menjëherë dhe nuk e ka luksin të presë rikuperimin e Simakan.

Pikërisht për këtë arsye Maldini ka filluar të marrë në konsideratë alternativa të tjera si mbrojtësi Tomorri i Chelsea-t dhe Ozan Kabak i Schalke 04, të dy të rinj dhe të gatshëm për të luajtur menjëherë.