Dëmtohet Ronaldo, Reali merr lajmin e hidhur nga Portugalia

Cristiano Ronaldo ka frikësuar Real Madridin pasi ditën e sotme nuk është stërvitur me përfaqësuesen e Portugalisë.

Ylli i Real Madridit, nuk ka vijuar stërvitjenc me Kombëtaren e Portugalisë, por i vetëm me trajnerin fizik.

Federata portugeze nuk ka dhënë ndonjë shpjegim për mungesën e Ronaldos, i cili një ditë më herët ishte stërvitur normalisht.

Ky është një lajm i keq edhe për Realin, që momentalisht të lënduar i ka edhe Bale, Benzema, Kovacic, Theo, Marcelo dhe Carvajal.

Portugalia të shtunën do të luajë ndaj Andorës, ndërsa të martën do të ketë përballjen më të rëndësishme ndaj Zvicrës.