Derbi i Madridit me mungesa të shumta, ja 6 yjet që nuk do të jenë nesër

Derbi mes Atletico Madrid dhe Real Madrid është në prag, por jo të gjithë yjet do të jenë në dispozicion për ndeshjen e nesërme në “Metropolitano”. Të dyja ekipet do të duhet të përballen me mungesa të rëndësishme për shkak dëmtimesh.

Atletico Madrid do të duhet të bëjë pa tre lojtarë të rëndësishëm: Almada, Cardoso dhe Giménez.

Almada u dëmtua gjatë pauzës së kombëtareve, duke pësuar një problem muskulor në këmbën e djathtë që ende nuk është shëruar.

Cardoso pësoi një ndrydhje në kyçin e këmbës gjatë stërvitjes, pak para debutimit në Ligën e Kampionëve kundër Liverpool-it.

Giménez, i dëmtuar që nga Kampionati Botëror i Klubeve, edhe pse ka nisur të stërvitet me grupin, nuk është ende gati për t’u rikthyer në fushë.

Real Madrid ka humbje të theksuara: Trent Alexander-Arnold, Mendy dhe Rüdiger.

Alexander-Arnold pësoi një dëmtim të rëndë muskulor kundër Marseille dhe do të mungojë rreth dhjetë javë.

Mendy, i dëmtuar në finalen e Kupës së Mbretit sezonin e kaluar, ende nuk është rikthyer në stërvitje me skuadrën.

Rüdiger u ndal në stërvitje në mes të shtatorit dhe nuk pritet të rikthehet para fundit të nëntorit.