Derbi për titullin, Partizani me grup të plotë ndaj Tiranës

Partizani do të përballet me Tiranën në fundjavë, në një derbi që do të vendosë shumë edhe për titullin kampion.

Të kuqtë do të kërkojnë me çdo kusht fitoren, pasi kjo do i dërgonte në vendin e parë dhe do i hapte rrugën drejt titullit pak javë para fundit të kampionatit.

Ndryshe nga Tirana që vjen me mungesa, te Partizani situata është ndryshe. Të kuqtë do të jenë me grup të plotë në derbin e kryeqytetit dhe trajneri Kolela do të ketë më shumë mundësi zgjedhje.