Deschamps: Lojtarët po torturohen, nuk kanë fuqi nga ndeshjet e shumta!

Kalendari i ngjeshur, është shndërruar në një shqetësim real për trajnerët e skuadrave. I fundit që ka shprehur këtë shqetësim është Didier Deschamps, tekniku i Francës.

Pas dy miqësoreve të muajit mars ndaj Gjermanisë dhe Kilit, numri një i “gjelave” theksoi se lojtarët e tij ishin të lodhur dhe nuk mundën të jepnin maksimumin në ndeshje.

“Sa i përket anës atletike, skuadra la për të dëshiruar dhe lojtarët nuk mu dukën të karikuar me energji. Për fat të keq, sezonet këto kohët e fundit janë bërë shumë impenjativë dhe kërkojnë maksimumin e energjisë.

Në Europian do të na duhet shumë më tepër energji se në këto ndeshje, pasi në të tilla evente për të fituar duhet më e mira”, u shpreh Deschamps.