Dinamo i jep fund ëndrrës europiane, barazon në sfidën e kthimit ndaj polakëve

Dinamo nuk ia ka dalë të kapë fazën e grupeve të UEFA Conference League, duke u eliminuar në “play-off” nga polakët e Jagiellonias. Pas humbjes 3-0 në ndeshjen e parë, skuadra e trajnerit Ilir Daja nuk arriti më shumë se një barazim 1-1 në Arenën Kombëtare.

Pjesa e parë u mbyll pa gola, pavarësisht përpjekjeve të kryeqytetasve për të gjetur rrjetën. Në pjesën e dytë, Dejvi Bregu ndezi shpresat me golin e tij, por entuziazmi zgjati pak, pasi Rallis barazoi rezultatin, duke vulosur përfundimisht eliminimin e Dinamos me shifrat e përgjithshme 4-1.

Megjithatë, rrugëtimi europian i Dinamos konsiderohet pozitiv, duke treguar potencial dhe përvojë të vlefshme për sezonet e ardhshme.